Aviso di privacidad Votaruba

Votaruba ta tuma bo privacidad y bo derecho di vota serio. Pesei bo informacion ta wordo procesa y uza na un manera sigur. Den e aviso di privacidad (privacy statement) aki bo por lesa na ki manera nos ta trata bo informacion ora bo uza Votaruba. Nos ta recomenda pa tur usuario lesa e aviso aki atentamente.

Ki informacion nos ta colecta?

Pa Votaruba por funciona bon, e organisacion mester algun dato technico dibo. Pakico nos ta uza e informacion aki, bo por lesa den e siguiente seccion. E datonan cu nos ta colecta ta:

Ora bo cuminsa cu Votaruba, e aplicacion ta wordo carga riba bo mes un aparato (manera bo computer, tablet of telefon). Bo contestanan y bo resultado ta wordo registra y warda solamente riba bo mesun aparato. E informacion aki no ta wordo manda pa (e server di) Votaruba, y ningun otro instancia. E informacion aki tampoco no ta disponibel pa Votaruba na ningun manera.

Votaruba nunca no ta mira e contestanan cu abo a yena den Votaruba. Tampoco Votaruba ta obtene of colecta informacion tocante e partido cu abo tin mas en comun y tampoco cua partido bo ta hanja manera resultado. Bo IP-adres tampoco no ta ser warda door di Votaruba y ningun otro instancia.

Pakico e datonan ta wordo colecta?

Con largo boso ta warda e datonan?

E datonan ta wordo warda trinta (30) dia. Despues nan ta wordo destrui.

Con e datonan ta wordo sigura?

E organisacion cu ta sostene Fuente den maneha Votaruba, ProDemos, a tuma e medidanan technico y organisatorio adecua pa sigura tur e datonan cu ta wordo procesa contra uso ilicito y contra perdida.

Consultacion y mehoracion di bo datonan

Si bo kier mira cua datonan Votaruba a colecta dibo, bo por entrega un peticion pa mira esaki. E peticion aki por wordo manda pa info@nosfuente.org. Votaruba lo contesta bo peticion dentro di cuater (4) siman. Pasobra Votaruba no tin informacion cu por identifica e usuario, ta posibel cu Votaruba lo puntrabo pa mas informacion tocante bo identidad, pa por cumpli cu bo peticion.

Si despues di e proceso aki, bo kier hasi algun cambio na e datonan cu bo a obtene di Votaruba, bo por manda otro peticion pa Votaruba. Bo por pidi pa Votaruba cambia, mehora, suplementa of elimina bo datonan. Votaruba lo contesta bo peticion dentro di cuater (4) siman. Si Votaruba nenga bo peticion, Votaruba lo aclara e motibo pa esaki den nan contesta.

E aviso aki por wordo cambia?

Si. Esaki ta posibel. E cambionan lo wordo anuncia riba e website di Votaruba: www.votaruba.org.

Pregunta?

Si bo tin mas pregunta tocante e aviso di privacy bo por tuma contacto cu nos via info@nosfuente.org